UMongameli uDonald Trump uceba ukuseka amaziko eembacu ePitoli ukwenzela amaBhulu afuna ukufudukela eMelika.
Image: Se-Anne Rall
UMongameli waseMelika uDonald Trump uhlanganise amaqela amaninzi ukuba aguqule iofisi ePitoli ibe yindawo yeembacu zamawaka amaBhulu.
Ngokutsho kwengxelo yakutshanje yeThe New York Times, urhulumente kaTrump ukhokela iphulo elibizwa ngokuba “yiMission South Africa,” elijolise ekufuduseni amaBhulu athi ajongene nemingeni eMzantsi Afrika.
Inkqubo iya kwenziwa ngokwezigaba. La maqela kuthiwa ajongene nezicelo ezingaphezulu kwe8200 ezibonisa umdla wokufudukela eMelika kwaye sele bechonge i100 yamaBhulu anokuthi avunywe ukuba abe ziimbacu eMelika.
Urhulumente waseMelika kuxelwe ukuba ukwabonelele ngokhuseleko kumagosa aqhuba udliwanondlebe nabantu abanokuba ziimbacu.
Amagosa aseMelika asebenza eMzantsi Afrika kulindeleke ukuba abonise izicwangciso zexesha elide ezijoliswe ekuqinisekiseni ukuphunyezwa ngokufanelekileyo kombono kaMongameli wokufuduselwa ngesidima kwabo bafake izicelo abafanelekileyo abangamaBhulu phakathi kuTshazimpuzi.
Oku kucaciswe kwingxelo ethunyelweyo esuka kwindlu yozakuzo yaseMelika ePitoli isiya kwiSebe likaRhulumente eWashington ekuqaleni kwale nyanga.
Ujoliso lukarhulumente waseMelika kumaBhulu lufike kanye ngexesha iMelika ivalela ukungena kwezinye iimbacu, eziquka abantu abamalunga nama20 000 abasuka kumazwe afana neAfghanistan, iDemocratic Republic of Congo, neSyria—ababenikwe imvume yokuhlala [eMelika] kwakhona ngaphambi kokuba uTrump athathe isikhundla njengoMongameli.
Ngokutsho kweNew York Times, le nkqubo ikwabeka iMelika embindini wengxoxo eshushu eMzantsi Afrika, apho amalungu athile amaBhulu abanga ngelithi angamaxhoba okwenene eli xesha lentando yesininzi.
Ukuza kuthi ga ngoku iMelika ilurhoxisile uncedo lwemali kuMzantsi Afrika, kuquka neUSAID.
UTrump uthethe izizathu ezininzi, kuquka nomthetho osandula ukutyikitywa wokuThathwa komhlaba nguMongameli uCyril Ramaphosa njengokuhlaselwa kwabamhlophe, ngakumbi amafama.
Kwezinye iindaba eziyeleleneyo, kutshanje inkundla yomgaqo-siseko yagweba ngokuchasene nesibheno seAfriForum sokwenza ingoma ethi "Kill the Boer, Kill the Farmer" njengentetho yentiyo.