Abongile Ginya
Iqumrhu eliyindibanisela yengqwayi-ngqwayi zezibalo loMzantsi Afrika (SA Institute of Chartered Accountants [Saica]) lizakubamba umsitho weembasa zokuwonga abafundi abagqwesileyo kwizibalo (Accounting).
Ezimbasa, nezenziwa iThuthuka Bursary Awards, zizakubanjelwa eZamukulungisa eWalter Sisulu eMthatha namhlanje.
Ezimbasa, injongo yazo kukuqaqambisa kwa nokuwonga abo bafundi bagqwesileyo kwizifundo zabo zezibalo kwanezinye izifundo ezinxulumene nezobalo. Kwezimbasa ozakube esenza intetho ethe qabavu ngowayesakuba ngumfundi kwiYunivesithi eyayisaziwa ngokuba yiUnitra uNonkululeko Gobodo, nongusihlalo weSizweNtsalubaGobodo.
Okwiqumrhu lolawulo kwi-Saica uChantly Mulder uthi: “Abafundi abasebenza ngokuzimisela, abahlohli abazinikezeleyo nabo ngabo abathi bakhuphe iziphumo ezihle ntoleyo ikhokelela ekukhuleni kwanasekuphuhliseni ikamva eliqaqambileyo.”
Okwelisebe lezobalo eWSU, uFrancies Kwahene uvakalise ukuba ukuzinikela kwabo abafundi kwanokuyazi into abayifunayo lonto yenza umsebenzi wabo ubelula ngakumbi. Kunyaka ka-2012, le Saica yafakwa phantsi kwesebe lezemfundo ephakamileyo kwakunye noqeqesho.
Umphathiswa wesebe leMfundo ePhakamileyo noQeqesho uBlade Nzimande wafaka imali ekwizigidi ezingamashumi asibhozo anesine (R84m) kwiminyaka edlulileyo kwelisebe.
IThuthuka yasekwa ngenjongo yokukhuthaza abo bafundi bamnyama nabaphuma kwindawo ezihlelekileyo ekubeni bazithabathele ingqalelo izifundo zobalo.